Жер сілкінісі: Жамбыл облысына үкіметтік жұмыс тобы жіберілді
Келтірілген шығынды анықтау және бағалау қажет.
Премьер-Министр Олжас Бектеновтің тапсырмасы бойынша, Жамбыл облысында болған жер сілкінісіне байланысты жергілікті атқарушы органдарға жағдайды талдау, жедел шаралар қабылдау, келтірілген шығынды анықтау және бағалау мәселелерінде көмек көрсету үшін өңірге Төтенше жағдайлар вице-министрі бастаған үкіметтік жұмыс тобы жіберілді, – деп хабарлайды Үкіметтің баспасөз қызметі.
Сондай-ақ жұмыс тобы құрамында – Өнеркәсіп және құрылыс министрлігі Құрылыс және ТКШ істері комитетінің төрағасы, «ҚазҚСҒЗИ» АҚ филиалының басшылығы, Үкімет аппаратының өкілдері бар.
Үкімет басшысы бірінші кезекте әлеуметтік нысандардағы, тіршілікті қамтамасыз ету нысандарындағы, жол қатынастары мен өнеркәсіп кәсіпорындарындағы жағдайды басым тәртіппен бақылауда ұстауды тапсырды. Сонымен қатар нысандарды тексеру, шығындарды бағалау және деректерді жинау бойынша мобильді топтардың санын көбейтуді тапсырды.