Түркістанға сапарлайтын әуе рейстері артады - министрлік

Түркістан қаласының туризмін дамытудың бөлек кешенді жоспарын даярланады. Бұл туралы Сенаттың жалпы отырысында ҚР Туризм және спорт вице-министрі Ержан Еркінбаев мәлім етті

- Түркістанда туризмді дамытуға кедергі болған себептердің бірі – ол халықаралық әрі ішкі әуе рейстердің жетіспеуі. Бірақ соған қарамастан, 2024 жылдың қорытындысы бойынша 2023 жылмен салыстырғанда шетелден келген туристердің саны 2 есе көбейді. Қазір еліміздің әуе паркіне 16 жаңа ұшақ қосылайын деп жатыр. Сондықтан Көлік министрлігімен бірлесе жұмыс істеп, Түркістанға келетін рейстердің санын көбейтуге тырысамыз, - деді Ержан Еркінбаев сенаторлардың сұрағына жауап бере отырып.

Оның айтуынша, Мемлекет басшысының тапсырмасы аясында үш өңірдегі туризмді дамытудың кешенді жоспарлары қабылданып жатыр.

- Түркістанның ерекше мәртебесін ескере отырып, аталған үш кешенді жоспармен шектелмей, Түркістан қаласының туризмін дамытудың бөлек кешенді жоспарын даярлап, бекітуді әуімдікпен келістік. Осы орайда салааралық мәселелер мен іс-шаралар жоспарға енгізіледі, - деді вице-министр.