Бұл спорт түрінен алғашқы медальдар жинағы ерлер арасында 100 метр қашықтықта сарапқа салынды. Кошкин көрсеткен нәтиже — 9,47 секунд, бұл бұған дейінгі Азия рекордынан жоғары көрсеткіш. Дегенмен қазақты қытайлық Гао Тинъюй (9,35) басып озып, чемпион атанды. Қола жүлдені оңтүстіккореялық Ким Джун Хо (9,62) жеңіп алды. Қазақстандық Алтай Жәрдембекұлы жеңіс тұғырына сәл ғана жете алмады, ол төртінші (9,64) болып келді. Артур Галиев 12 (9,93), Никита Важенин – 15 (10,01)-орынға жайғасты.