Ranking.kz  порталының жазуына қарағанда  ісі сотта қаралғандардың ішінде 99 адамның  орта және  арнайы орта білімі бар екен. 19 адам жоғарғы оқу орнын бітіргені белгілі  болды.

Істі болғандардың  үштен бірі немесе 41 адам терроризмді насихаттаған немесе теракт жасауға ашық түрде шақырған.  Ал 24 адам сот шешімімен  тыйым салынған немесе жабылған  діни және өзге  қоғамдық ұйымдардың  жұмысына қатысқаны үшін, я болмаса сондай бірлестіктерді ұйымдастырмақ болғаны үшін істі  болыпты. Әлеуметтік, ұлттық, нәсілдік және діни араздық туғызғаны үшін істі  болғандар 23 адам.  Бұл деректер  соңғы жылда тыйым салынған ұйымның жұмысына қатысқандар үлесі 60%,  араздық тудырғандар үлесі 76,9%-ке  көбейгенін көрсетеді.

Сотқа  ісі жолданған 122 адамның  44-інің  жасы 30-39 аралығында болса,  38 адам 40-49 жастағы азаматтар екен. 15 адам 50-59 жас аралығында болса,  60 тан асқандарс аны 6 адам. Кәмелет жасына жетпестен терроризм және экстремизммен айыпталғандар саны 3 адам. 18-20 жас аралығындағы жастардың саны 4 адам. 21-29 жастағылар 12 адам. Яғни терроризммен және экстремизммен айыпталғандардың  көбі отыздан асқандар болып отыр. Орта жастағылар.  Алайда  ісі нақты сотқа жолданған адамдардар бөлек, сотқа едйінгі  бірыңғай реестрде тіркелген істер де бар. 2023 жылдың   он екі айында  бұл реестрге терроризм және  экстремизмға байланысты тергелген 208 іс тіркелді. Бұл 2022 жылғыдан 5,6%-ке көп.

Биыл да терроризм мен экстремизмге қатысы барлар аз болмауы мүмкін. Оған  соңғы бірнеше күннің өзіндегі ақпараттар дәлел болады. Мәселен, Шымкент қаласында 28 ақпан күні терроризмді насихаттаған азамат ұсталса, 6 наурызда  дәл осындай айыппен тағы бірнеше адам тұтқындалды. Олар әлеуметітк желілер арқылы терроризмді насихаттаған. Бұл азаматтарды ҰҚК  қызметкерлері құрықтаған болатын.

Oimaqnews