Елорданың Сарыарқа ауданындағы Жарсуат көшесінде үш қабатты әкімшілік ғимаратының бірінші қабатында орналасқан бокстан өрт шықты, деп хабарлайды Kazinform ҚР Төтенше жағдайлар министрлігіне сілтеме жасап. «Өрт сөндіру бөлімшелері келгенше бокс ғимаратында жүк көлігінің жанармай багы жарылып, артынан өрт шықты. Өрт кезінде бокстың ішінде 3 жүк көлігі болған, өрт сөндірушілер екі көлікті өрттен сақтап қалды. Өрт салдарынан үш адам зардап шекті, олар жедел медициналық жәрдем қызметкерлеріне жіберілді», - делінген ведомство хабарламасында. 15 шаршы метр аумақта шарпыған өрт сөндірілді. Осыған дейін Астанада өртеніп жатқан көліктен үш бала құтқарылғаны туралы жаздық. Төтенше жағдайлар министрлігі баспасөз қызметінің мәліметінше, өрт басталған сәтте көлікте үш бала болған. Оларды жанында тұрған куәгер алып шығып үлгерген.