Ұлттық академиялық кітапханада жас кітапханашылар кездесуі өтті

Қазақстан Республикасы Мәдениет және ақпарат министрлігінің қолдауымен, Қазақстан Республикасының Ұлттық академиялық кітапханасының  ұйымдастыруымен  республикалық «Жас кітапханашы - 2024: Жаңа мүмкіндіктер уақыты 3.0» атты жас кітапханашылардың іскерлік кездесуі басталды.

Іскерлік кездесуінің ашылуында Ұлттық академиялық кітапхана басшысы Ғазиза Құдайбергенқызы сөз сөйлеп, қатысушыларға сәттілік тіледі.

 Әр өңірден келген жас мамандар NETWORKING алаңында  модераторлар Нұржан Жолдыбалинов пен Жасанды Интеллект АI  DOS – тың көмегімен өз жобаларын таныстырды.

Байқауға 50-ге жуық қатысушы тіркеліп, 38 жоба қабылданды. Іріктелген 12 жоба сәтті қорғалды.

Оның ішінде VR, жасанды интеллекттің көмегімен кітапхана жұмысын жеңілдетуге арналған арнайы технологиялар және инклюзивті кітапханаларға арналған жобалар көптің көңілінен шықты.

Байқау нәтижесі онлайн дауыс беру QR код арқылы және қазылар алқасының  шешімімен бағаланды.

Байқау қорытындысы бойынша «Кітапхана қызметінде жасанды интеллектіні пайдаланудағы үздік тәжірибесі үшін» номинациясын  А.С. Пушкин атындағы Шығыс Қазақстан облыстық кітапханасының кітапханашысы Жігер Төлешов, «Жасанды интеллектіні ауыл кітапханасында тиімді пайдаланғаны үшін» номинациясын Талдықорған кітапханасының маманы Малика Бекбатыр,  «Арнайы кітапханада жасанды интеллектіні үздік пайдаланғаны үшін» номинациясын зағип және нашар көретін азаматтарға арналған республикалық кітапхананың қызметкері Гүлсая Сәтбай мен  Жұмахан Бегалы Ерланұлы, «Жасанды интеллектіні кітапхана қызметінде пайдаланудағы креативтігі үшін»  номинациясын Степногорск қаласының орталықтандырылған кітапхана жүйесінің кітапханашылары Толқын Жақсылықова мен Аягөз Әміреева, «Перспективті жоба» номинациясын бойынша Алматы қаласы "Орталықтандырылған кітапхана жүйесі" қызметкерлері Сұлтанова Дилфуза Бахтиярқызы мен  Бексұлтан Талшын Қуатбекқызы, Астана қаласы "Орталықтандырылған кітапхана жүйесі"  кітапханашысы Сайлаубекова Рабига Лесбекқызы және Торайғыров атындағы Павлодар облыстық ғылыми кітапханасы, бөлім меңгерушісі Ельников Павел Сергеевич  жеңіп алды.

Шара соңында жас кітапханашыларға әнші, кәсіби жыршы Күнсұлу Түркпен жырдан шашу шашса,  әр өңірден  келген қатысушылар өз өнерлерін ортаға салды.