Әзербайжан: сайлауда 80 мың байқаушы жұмыс істейді
Биыл Әзербайжанда кезектен тыс президент сайлауы өтеді. Осыған байланысты байқаушылар тіркеліп жатыр. Күні бүгінге дейін 80 мың байқаушы тіркелген.
Бұл туралы trend.az сайты жазды.
Әзепрбайжанның орталық сайлау комиссиясының төрағасы Мазахир Панахов журналистерге берген ақпаратында елде 6300 сайлау учаскесі құрылғанын айтты. Ал байқаушылар саны 80 мыңға жеткен.
«Әр учаскеде 15 байқаушыдан болады. Негізгі мақсатымыз байқаушылардың белсенді болуына және кейбір мәселелерге араласуына қол жеткізу», деді М.Панахов. Сонымен қатар ол халықаралық байқаушылар санының 800 ге жеткенін айтты.