Қостанай облысында қар құрсауынан 4 адам құтқарылды

Қарасу ауданындағы Қарасу ауылынан 10 шақырым жерде жеңіл автокөлік қар құрсауында қалып қойған. «Құтқарушылар дереу оқиға орнына жетіп, көлік ішіндегі 4 адамды, оның ішінде 2 баланы қар құрсауынан шығарды. Оларға медициналық көмек қажет болмады. Азаматтар жақын маңдағы елді мекенге жеткізілді», — деп мәлімдеді ТЖМ баспасөз қызметінен. ТЖМ қауіпсіздік ережелерін қатаң сақтауға шақырады. Сонымен бірге ауа райының өзгеруін, жолдардағы қозғалыстың шектелуін қадағалауды сұрайды.