Астанадағы Ұлттық академиялық кітапхана мен Шымкент қаласының Ө.Жәнібеков атындағы Оңтүстік Қазақстан педагогикалық университетінің студенттерінен құралған «Алқа» әдеби бірлестігінің ұйымдастыруымен көрнекті ақын, мемлекет және қоғам қайраткері Фариза Оңғарсынованың 85 жылдығына арналған «Өлең, мен сені аялап өтем… » атты әдеби-сазды кеш өтті.

Фариза Оңғарсынованың әдеби мұрасын кеңінен насихаттау, жастарға рухани тәрбие беру, кітап оқуға құштарлықты арттыру, көркем шығарманың әдеби-эстетикалық күш-қуаты арқылы оқырман талғамын қалыптастыру мақсатында өткізілген іс шараға Ө.Жәнібеков атындағы Оңтүстік Қазақстан педагогикалық университетінің студенттерінен құралған «Алқа» әдеби бірлестігінің жетекшілері мен студенттері арнайы келді. Ақын шығармаларына әдеби-теориялық талдау жасап, өлеңдерінен композиция қойып, ғұмырнамасына қатысты көрермендер арасында интеллектуалды ойындар ойнатты.

Іс-шараның  ұйымдастырушылары Ұлттық академиялық кітапханаға университет ректорының алғыс хаты мен арнайы сыйлығын тарту етті.

Биыл тұңғыш рет бірлесіп ұйымдастырған жобаға елордалық студенттер, оқырмандар белсене қатысты.