16 жастағы оқушыны жезөкшелікке мәжбүрлеген 11 адам қамауға алынды
Оқушы қызға қатысты заңсыз әрекет жасағандардың барлығы тексеріліп жатыр.
ҚР Ішкі істер министрінің орынбасары Игорь Лепеха Қызылордада 16 жасар оқушыны жезөкшелікке мәжбүрлеу туралы қылмыстық іске қатысты жаңа деректерді жариялады, де пхабарлайды Oimaqnews.kz Inform.kz сайтына сілтеме жасап.
«Осы бойынша 13 адам анықталды, оның ішінде 11-і қамауға алынды, екеуі үй қамақта отыр. Қазіргі кезде бірқатар бап бойынша қылмыстық істер қозғалды. 13 адамның арасында қызды мәжбүрлегендер де, ұйымдастырғандар да бар. Бұл іс бойынша басқа деректерді жариялай алмаймын, себебі оның мән-жайы тергеушілердің құзыретінде», - деді И. Лепеха Сенаттың жалпы отырысынан кейін тілшілер сұрағына жауап бере отырып.
Оның айтуынша, оқушы қызға қатысты заңсыз әрекет жасағандардың барлығы тексеріліп жатыр.