"География пәнін жақсы көрдім": Демеу мамандығы мұғалім екенін айтты
"Cпортшы болмасам, ұстаз болуым мүмкін еді"
Париж Олимпиадасының күміс жүлдегері Демеу Жадыраев Qazaqstan телеарнасына берген сұқбатында мамандығы ұстаз екінін айтты, деп хабарлайды Ozgeris.Info.
Демеу Жадыраев қазақ ұлттық педагогикалық университетінде география және экология факультетінің бакалаврын тәмамдаған. Ол оқу тәжірибесі кезінде 3 ай балаларға сабақ беріп көргенін де айтты.
«География өзім жақсы көретін сабақ болатын. Cпортшы болмасам, ұстаз болуым мүмкін еді», — деді Олимпиаданың күміс жүлдегері.
Қазақстандық балуан оқушы кезінде де студенттік шағында да сабақ пен спортты қатар алып жүруге тырысқанын айтты.