Ауа райы қолайсыздығына байланысты 10 облыста ескерту жарияланды

22 ақпанда Астана қаласы мен 10 облыста ауа райына байланысты ескерту жарияланды, - деп хабарлайды  "Қазгидромет" РМК-сының баспасөз қызметі.

 

Астана мен Шығыс Қазақстан, Абай облыстарында 40 градусқа дейін, Жетісу облысында 27 градусқа дейін аяз болады.

Алматы облысында Іле өзенінен 164 км қашықтықта, Қапшағай ГЭС-індегі гидрологиялық бекетте мұздардың кептелуі салдарынан су деңгейі көтерілді.

Қарағанды мен Ұлытау облыстарында жаяу бұрқасын соғады.

Маңғыстау облысында көктайғақ, тұман, Қызылорда, Жамбыл облыстарында да тұман, Түркістан облысында көктайғақ болады.