Астанада 200-ден аса жетім бала тұрғын үй кезегінсіз қалған
Бұл туралы қалалық прокуратураның баспасөз қызметі мәлімдеді.
Елордада тұрғын үйге кезекке қою бойынша 200 жетім баланың құқығы қорғалды.
Астана қалалық прокуратурасының мәліметінше, жетім балалардың тұрғын үй құқықтарының бұзылғаны анықталған.
– Уәкілетті орган «Тұрғын үй қатынастары туралы» Заңның 71-бабын бұза отырып, он төрт жасқа толмаған тұлғаларда тіркеудің болмауына, сондай-ақ отбасы мүшелері болып табылмайтын қамқоршыларға тіркелген мүліктің болуына байланысты жетім балаларды кезекке қоюдан негізсіз бас тартқан.
Прокурорлық қадағалау шараларымен 200-ден астам жетім бала тұрғын үй алуға кезекке қойылды, – делінген хабарламада.