Жедел жәрдем бригадасының фельдшері Қарасай ауданының Іргелі ауылының тұрғынын үй жағдайында босандырып алды.

Алматы облыстық жедел жәрдем станциясының мәліметінше, шақыртуға жедел жәрдем көлігі 20 минутта жеткен. Алайда әйелдің толғағы 2 сағат бұрын басталған. Сондықтан жүктіліктің 39-40-шы аптасынадағы әйелді үйінде босандырып алуға мәжбүр болды. Шұғыл шақыру орнына 19/23 бригада фельдшері Мақпал Құнафина мен қосалқы фельдшер Бахытгүл Рысмендиева барған.

«Келе салып науқасқа жедел медициналық жәрдем көрсеттік. Шақырту түскен кезде диспетчер толық мәліметті берген болатын. Уақытты созбай бірден босандарып алуға көштік» - дейді, 19/23 бригада фельдшері Мақпал Құнафина.

Жедел медициналық көмектің арқасында 19/23 бригадасы әйелді аман-есен босандырып, Қаскелең аудандық ауруханасына жеткізді. Қазіргі уақытта ана мен нәресте дін аман.

Айта кетейік, Алматы облысының халық саны 1 млн 582мың 52 адам. Соңғы 6 айдың ішінде облыстық жедел жәрдем қызметкерлері 327 566 шақыртуға қызмет көрсетті.